ഷാർജ അസംബ്ലീസ് ഓഫ് ഗോഡ് ഉപവാസ പ്രാർത്ഥനയും ആരാധനയും ഒക്ടോബർ 17 മുതൽ

ഷാർജാ : അസംബ്ലീസ് ഓഫ് ഗോഡ് സഭയുടെ നേതൃത്വത്തിൽ ഷാർജ യൂണിയൻ ചർച്ചിൽ വച്ച് ഒക്ടോബർ 17 വെള്ളിയാഴ്ച മുതൽ 19 ഞായറാഴ്ച വരെ ഉപവാസ പ്രാർത്ഥനയും ആരാധനയും നടക്കും. 17, 18 ദിവസങ്ങളിൽ രാവിലെ 10 : 30 മുതൽ 1 മണിവരെ ഹാൾ നമ്പർ മൂന്നിലും, വൈകുന്നേരം 8 മണി മുതൽ 10 മണി വരെ ഹാൾ നമ്പർ പത്തിലും മീറ്റിങ്ങുകൾ നടത്തപ്പെടും. 19ന് ഞായറാഴ്ച രാവിലെ 10 : 30 മുതൽ 2 മണിവരെ വിശുദ്ധ സഭായോഗവും നടക്കും. പ്രസ്തുത മീറ്റിങ്ങുകളിൽ പാസ്റ്റർ അനീഷ് കാവാലം തിരുവചനത്തിൽ നിന്നും ശുശ്രൂഷിക്കും. പാസ്റ്റർ പി. ഡി. ജോയിക്കുട്ടി, പാസ്റ്റർ റ്റോം എം ജോർജ് തുടങ്ങിയവർ നേതൃത്വം നൽകും. കൂടാതെ പതിനാറാം തീയതി ( വ്യാഴാഴ്ച) വൈകിട്ട് 7 മണി മുതൽ 9 : 30 വരെ അലൈനിലും, പത്തൊമ്പതാം തീയതി ഞായറാഴ്ച വൈകിട്ട് 7 മണി മുതൽ 9 : 30 വരെ റാസൽഖൈമയിൽ ചർച്ച് സെന്റർ നക്കീലിലും പാസ്റ്റർ അനീഷ് കാവാലം ശുശ്രൂഷിക്കും.