എ.ജി. മലയാളം ഡിസ്ട്രിക്ട് പ്രയർ ഡിപ്പാർട്ട്മെൻ്റ് നേതൃത്വം നല്കുന്ന തുടർമാന ഓൺലൈൻ പ്രാർത്ഥനയായ റിവൈവൽ പ്രയർ സെപ്തംബർ 30 ന് നിലയ്ക്കാതെ രണ്ടു വർഷം പിന്നിടുന്നു. അതിൻ്റെ ഭാഗമായി ഒക്ടോബർ 1 ബുധൻ ഇന്ത്യൻ സമയം രാവിലെ 9 മുതൽ ഉച്ചയ്ക്ക് 1വരെ അസംബ്ലീസ് ഓഫ് ഗോഡ് പറന്തൽ കൺവെൻഷൻ ഗ്രൗണ്ടിൽ നടക്കുന്ന 40 ദിന ഉപവാസ പ്രാർത്ഥനയിൽ പ്രത്യേക സ്തോത്ര പ്രാർത്ഥനയിൽ എ.ജി.മലയാളം ഡിസ്ട്രിക്ട് സൂപ്രണ്ട് പാസ്റ്റർ ടി.ജെ. ശാമുവേൽ മുഖ്യസന്ദേശം നല്കി പുതുവർഷം സമർപ്പിച്ചു പ്രാർത്ഥിക്കും. അസിസ്റ്റൻ്റ് സൂപ്രണ്ട് ഡോ.ഐസക് വി.മാത്യു പ്രാർത്ഥനാ പങ്കാളികൾക്ക് അനുമോദന സന്ദേശം അറിയിക്കും. സഭാ സെക്രട്ടറി പൂർത്തീകരിച്ച രണ്ടു വർഷത്തെ ഓർത്ത് സ്തോത്ര പ്രാർത്ഥന നടത്തും. പ്രയർ ഡിപ്പാർട്ട്മെൻ്റ് ചെയർമാൻ പാസ്റ്റർ ജോമോൻ കുരുവിള അദ്ധ്യക്ഷത വഹിക്കും. അനുഭവസാക്ഷ്യങ്ങളും പ്രത്യേക പ്രാർത്ഥനയും ഉണ്ടായിരിക്കും.
പാസ്റ്റർമാരായ ഷാജൻ ജോൺ ഇടയ്ക്കാട്, കുമാർ ദാസ്, ഇസഡ്.എബ്രഹാം, കെ.സി.കുര്യാക്കോസ്, ആർ.വി. ജോയി, റെജി തങ്കച്ചൻ ശൂരനാട് ,ജോസ് മത്തായി, ബി. കെ. സാൻ്റോ എന്നിവർ വിവിധ ശുശ്രുഷകൾ നിർവ്വഹിക്കും.
അസംബ്ലീസ് ഓഫ് ഗോഡ് മലയാളം ഡിസ്ട്രിക്ട് പ്രയർ ഡിപ്പാർട്ട്മെൻ്റ് നേതൃത്വം നല്കുന്ന നിലയ്ക്കാത്ത പ്രാർത്ഥന ലോക ഉണർവിനായി സഭകളെയും വ്യക്തികളെയും ദൈവം ഉപയോഗിക്കേണ്ടതിനായി ഊന്നൽ നല്കി പ്രാർത്ഥിക്കുമ്പോൾ തന്നെ ഏതൊരു പ്രാർത്ഥനാ വിഷയങ്ങളെയും ഏറ്റെടുത്ത് മദ്ധ്യസ്ഥത വഹിച്ചു പ്രാർത്ഥിച്ചു വരുന്നു . രണ്ടായിരത്തി ഇരുപത്തിമൂന്ന് ഒക്ടോബർ ഒന്നിന് രാവിലെ ആറു മണിക്ക് ആരംഭിച്ച പ്രാർത്ഥന ഇപ്പോഴും തുടർമാനമായി Zoom പ്ലാറ്റ്ഫോമിൽ നടക്കുന്നു.
ഓരോ മണിക്കൂർ ഉള്ള സ്ലോട്ടുകളായി തിരിച്ചിരിക്കുന്ന പ്രാർത്ഥനാ ചങ്ങലയിൽ സഭാ വ്യത്യാസമെന്യേ വിവിധ രാജ്യങ്ങളിൽ നിന്നുള്ളവർ സഹകരിക്കുന്നു. നിരന്തര പ്രാർത്ഥനയോടൊപ്പം വ്യത്യസ്തങ്ങളായ ആത്മീയ പരിപാടികളും പ്രത്യേക സന്ദർഭങ്ങളിൽ നടത്തിവരുന്നു.
Zoom ID: 89270649969
പാസ്കോഡ്: 2023 എന്നീ ഐ.ഡി.യും പാസ്കോഡും ഉപയോഗിച്ചോ താഴെ കൊടുത്തിരിക്കുന്ന ലിങ്കിലൂടെയോ
https://us06web.zoom.us/j/89270649969?pwd=bnJMZ3IwZTU4eCtQVHlvU2ZrM3piQT09
എല്ലായ്പ്പോഴും മീറ്റിംഗിൽ പ്രവേശിക്കാവുന്നതാണ്. പ്രാർത്ഥിക്കാനും പ്രാർത്ഥനാ വിഷയങ്ങൾ പങ്കുവയ്ക്കുവാനും ഏതു സമയത്തും മീറ്റിംഗിൽ ജോയിൻ ചെയ്യാം.
കൂടുതൽ വിവരങ്ങൾക്ക്:
പാസ്റ്റർ ജോമോൻ കുരുവിള 6235355453, പാസ്റ്റർ ഇസഡ്.ഏബ്രഹാം 9447223957 എന്നീ നമ്പരുകളിൽ ബന്ധപ്പെടുക.
വാർത്ത: ഷാജൻ ജോൺ ഇടയ്ക്കാട്
