ഷാർജാ : ഇന്റർനാഷണൽ അസോസിയേഷൻ ഫോർ തിയോളജിക്കൽ അക്രഡിറ്റേഷൻ അംഗീകാരം ഉള്ള വർഷിപ് സെന്റർ കോളേജ് ഓഫ് തിയോളജിയിൽ പഠനം പൂർത്തിയാക്കിയവരുടെ ബിരുദദാനം നടന്നു. റവ . ഡോ . സ്റ്റാലിൻ കെ . തോമസ് ( ഐ എ ടി എ ഇന്റർനാഷണൽ ഡയറക്ടർ), റവ.ഡോ. ജെയിംസ് ആൻട്രു വിൽസൺ, കാനഡ (ഐ എ ടി എ ഇന്റർനാഷണൽ ഓർഗനൈസർ) എന്നിവർ മുഖ്യ അതിഥികൾ ആയിരുന്നു.
ഇന്ത്യ പെന്തകോസ്ത് ദൈവസഭയുടെ (ഐപിസി) അംഗീകാരം ഉള്ള മിഡിൽ ഈസ്റ്റ്ലെ ഏക ബൈബിൾ കോളേജ് ആണ് വർഷിപ് സെന്റർ കോളേജ് ഓഫ് തിയോളജി. മാസ്റ്റർ ഓഫ് തിയോളജി, മാസ്റ്റർ ഓഫ് ഡിവിനിറ്റി, ബാച്ലർ ഓഫ് തിയോളജി, ഡിപ്ലോമ ഇൻ തിയോളജി എന്നീ കോഴ്സുകളിലാണ് പഠനം പൂർത്തിയാക്കിയത്. കോളേജ് ഡയറക്ടർ റവ . ഡോ . വിൽസൺ ജോസഫ് അദ്ധ്യഷനായിരുന്നു. ഷാർജ ഭരണാധികരിയുടെ കുടുംബാംഗമായ ഷെയ്ഖ് അബ്ദുള്ള ബിൻ മുഹമ്മദ് അൽ ഖാസിമി ആശംസകൾ അറിയിച്ചു. പുതിയ അദ്ധ്യായന വർഷത്തേക്കുള്ള കോഴ്സുകൾ സെപ്റ്റംബർ 23 ന് ആരംഭിക്കുമെന്ന് രജിസ്ട്രാർ റവ .റോയ് ജോർജ് അറിയിച്ചു. കൂടുതൽ വിവരങ്ങൾക്ക് 050 481 4789/ 050 499 3954
വാർത്ത : കൊച്ചുമോൻ ആന്താര്യത്ത്
