ടെൽ അവീവ്: തെരഞ്ഞെടുപ്പിൽ കേവല ഭൂരിപക്ഷം ലഭിക്കാത്തതിനു പിന്നാലെ പ്രതിപക്ഷ നേതാവായ ഗാഡി ഐസൻകോട്ടിനെ സഖ്യസർക്കാർ രൂപീകരിക്കാൻ ക്ഷണിച്ച് ബെഞ്ചമിൻ നെതന്യാഹു. എന്നാൽ മിനിറ്റുകൾക്കുള്ളിൽ നെതന്യാഹുവിൻ്റെ ക്ഷണം ഗാഡി ഐസൻകോട്ട് തള്ളി. പുതിയ സർക്കാർ രൂപീകരിക്കുന്നതുമായി ബന്ധപ്പെട്ട് ഐസൻകോട്ടിൻ്റെ ചർച്ചകൾ പുരോഗമിക്കുന്നതിനിടെയാണ് ഇസ്രയേൽ രാഷ്ട്രീയത്തിലെ ഈ പുതിയ സംഭവവികാസം.
ഇസ്രയേൽ സുരക്ഷ ഉറപ്പാക്കാനും ഇറാൻ ഉയർത്തുന്ന ഭീഷണി നേരിടാനുമായി ദേശീയ ഐക്യ സർക്കാർ രൂപീകരിക്കണമെന്നായിരുന്നു കാവൽ പ്രധാനമന്ത്രിയായ നെതന്യാഹുവിൻ്റെ ആവശ്യം. എന്നാൽ, ഇത് നെതന്യാഹുവിൻ്റെ പുതിയ രാഷ്ട്രീയ തന്ത്രം മാത്രമാണെന്ന് ആരോപിച്ച് മുൻ സൈനിക മേധാവി കൂടിയായ ഐസൻകോട്ട് ഈ ക്ഷണം തള്ളിക്കളഞ്ഞു.

