കുവൈറ്റ്‌ സിറ്റി : കുവൈറ്റിലെ മലയാളി ക്രൈസ്തവ സഭകളുടെ ഏറ്റവും വലിയ ആത്മീയ സംഗമമായ കുവൈറ്റ്‌ റ്റൗൺ മലയാളി ക്രിസ്ത്യൻ കോൺഗ്രിഗേഷൻ (കെ റ്റി എം സി സി) 2026 ജനറൽ കൺവെൻഷൻ സെപ്റ്റംബർ 30 ബുധനാഴ്ച്ച മുതൽ ഒക്റ്റോബർ 2 വെള്ളിയാഴ്ച്ച വരെ നടക്കും.
സ്ഥലം : കുവൈറ്റ്‌ സിറ്റിയിലുള്ള നാഷണൽ ഇവാൻജെലിക്കൽ ചർച്ച് കുവൈറ്റ്‌ (എൻ ഇ സി കെ) കോമ്പൗണ്ടിലെ ചർച്ച് & പാരിഷ് ഹാൾ.
തീയതി : 2026 സെപ്റ്റംബർ 30 ബുധനാഴ്ച്ച മുതൽ ഒക്റ്റോബർ 2 വെള്ളിയാഴ്ച്ച വരെ.
സമയം : എല്ലാ ദിവസവും വൈകിട്ട് 7 മണി മുതൽ 9 മണി വരെ.
മുഖ്യ പ്രഭാഷകൻ : പാസ്റ്റർ രാജു മേത്ര (സുപ്രസിദ്ധ സുവിശേഷ / കൺവെൻഷൻ റ്റി വി പ്രഭാഷകൻ, ഇന്ത്യ പെന്തെക്കോസ്ത് ദൈവസഭ സീനിയർ ശുശ്രൂഷകൻ, റാന്നി റ്റൗൺ ഇന്ത്യ പെന്തെക്കോസ്ത് ദൈവസഭ സീനിയർ ശുശ്രൂഷകൻ).
പ്രയ്‌സ് & വർഷിപ്പ് : ഡോ. ബ്ലെസ്സൻ മേമന (സുപ്രസിദ്ധ പ്രയ്‌സ് & വർഷിപ്പ് ലീഡർ, ക്രൈസ്തവ ഗാന രചയിതാവ്) കെ റ്റി എം സി സി ക്വയറിനൊപ്പം ഗാന ശുശ്രൂഷക്ക് നേതൃത്വം നൽകും. കുവൈറ്റിന്റെ എല്ലാ ഭാഗങ്ങളിലേക്കും വാഹന സൗകര്യം ക്രമീകരിച്ചിട്ടുണ്ട്.
