ന്യൂയോർക്ക് : പുതിയ എഴുത്തുകാരുടെ സർഗ്ഗവാസനകളെ പ്രോത്സാഹിപ്പിക്കുന്നതിൻ്റെ ഭാഗമായി നോർത്ത് അമേരിക്കയിലെ എല്ലാ മലയാളി പെന്തെക്കോസ്ത് വിശ്വാസ സമൂഹത്തെയും ഉൾപ്പെടുത്തി ഉപന്യാസം, ചെറുകഥ, കവിത, ലേഖനങ്ങൾ, കാർട്ടൂൺ ചിത്രങ്ങൾ തുടങ്ങി സത്യവേദപുസ്തക വിഷയങ്ങളെ ആസ്പദമാക്കിയിട്ടുള്ള ക്രൈസ്തവ സാഹിത്യ രചനകൾ രചയിതാക്കളിൽ നിന്നും ക്ഷണിക്കുന്നു.
മത്സരാർത്ഥികൾക്ക് ഇംഗ്ലീഷ്, മലയാളം ഭാഷകൾ ഇഷ്ടാനുസരണം തെരഞ്ഞെടുക്കാം. വിവിധ വിഷയങ്ങളിൽ ഒന്നാം സ്ഥാനത്തിന് അർഹരാകുന്നവർക്ക് ജൂലൈ 2- മുതൽ 5 വരെ ചിക്കാഗോയിൽ നടക്കുന്ന പിസിഎൻഎകെ കോൺഫറൻസിനോട് അനുബന്ധിച്ചുള്ള കെ.പി.ഡബ്ല്യു.എഫ് സമ്മേളനത്തിൽ അവാർഡും സർട്ടിഫിക്കറ്റും നൽകി ആദരിക്കും.
പങ്കെടുക്കുന്നവരുടെ എണ്ണം അനുസരിച്ച് ആവശ്യമെങ്കിൽ പ്രാഥമിക റൗണ്ടുകൾ പൂർത്തീകരിച്ചതിനു ശേഷം ഫൈനൽ മത്സരം നടത്തുന്നതാണ്. മത്സരാർത്ഥികൾ 50 ഡോളറിന്റെ രജിസ്ട്രേഷൻ നൽകേണ്ടതാണ്. വിജയികളാകുന്നവരുടെ സാഹിത്യ സൃഷ്ടികൾ പ്രമുഖ ക്രൈസ്തവ മാധ്യമങ്ങളിൽ പ്രസിദ്ധീകരിക്കും. റൈറ്റേഴ്സ് ഫോറം അവാർഡുകൾ മുൻ വർഷങ്ങളിൽ ലഭിച്ചിട്ടുള്ളവരെ ഈ വർഷം അവാർഡുകൾക്ക് പരിഗണിക്കുന്നതല്ല.
രചനകൾ മെയ് 10 ന് മുൻപായി സഭാ പാസ്റ്ററിന്റെ പേരും ഫോൺ നമ്പറും സഹിതം അയച്ചു തരേണ്ടതാണ്.
2024 – 2026 വർഷത്തിൽ പ്രസിദ്ധീകരിച്ച മികച്ച പുസ്തകങ്ങൾക്കും പുരസ്കാരം നൽകുന്നതാണ്. പുസ്തകങ്ങളുടെ രണ്ട് കോപ്പികൾ പ്രസിഡൻ്റിൻ്റെ വിലാസത്തിൽ അയച്ച് നൽകേണ്ടതാണ്.
രാജൻ ആര്യപ്പള്ളിൽ (പ്രസിഡന്റ്), സാം മാത്യൂ (വൈസ് പ്രസിഡൻ്റ്), നിബു വെള്ളവന്താനം (ജനറൽ സെക്രട്ടറി), പാസ്റ്റർ എബിൻ അലക്സ് (ജോ. സെക്രട്ടറി), ഡോ. ജോളി ജോസഫ് (ട്രഷറാർ), ഷൈനി സാം (ലേഡീസ് കോർഡിനേറ്റർ), വെസ്ളി മാത്യൂ (മീഡിയ കോർഡിനേറ്റർ) എന്നിവരാണ് കെ.പി.ഡബ്ള്യു.എഫ് നാഷണൽ ഭാരവാഹികൾ. 1993 ലെ സിറാക്യൂസ് സമ്മേളനത്തിൽ വെച്ചാണ് ആദ്യമായി അമേരിക്കയിലെ മലയാളി പെന്തക്കോസത് എഴുത്തുകാർ ഒന്നിച്ചുകൂടി സംഘടനയ്ക്ക് രൂപം നൽകിയത്.
ബുക്കുകളും രചനകളും അയച്ചു തരേണ്ട വിലാസം
Address: Rajan Ariyappallil, Box 491144, Lawrenceville, GA-30049
Nibu Vellavanthanam, 3845 Shoreview Drive, Kissimmee, FL 34744
Email: usakpwf@gmail.com
