യോഹന്നാൻ്റെ സുവിശേഷം മൂന്നാം അധ്യായം ആരംഭിക്കുന്നത് പരീശ പ്രമാണിയായിരുന്ന നിക്കോദിമോസിനെക്കുറിച്ച് പറഞ്ഞു
കൊണ്ടാണ് . വീണ്ടും ജനനം എന്ന വലിയ വിഷയം യേശു വിശദമാക്കുന്നത് നിക്കോദിമോസിനോടാണ് .ഈ വേദഭാഗത്തു നിന്നും
വീണ്ടും ജനനം പ്രസംഗിക്കുന്നതിനേക്കാൾ പലർക്കും താൽപര്യം
അദ്ദേഹം എന്തുകൊണ്ട് രാത്രിയിൽ യേശുവിനെ കാണാൻ വന്നുഎന്നുള്ള ചർച്ചയാണ് .
രാത്രിയായാലോ പകലായാലോ എന്താപ്രശ്നം ? അദ്ദേഹം യേശുവിനെ കാണാൻ വന്നല്ലോ ! പകലും രാത്രിയിലും യോഗം നടന്നാലും ഒരു നേരവും യോഗത്തിനു വരാത്തവരെക്കാൾ നല്ലവനാണാണ് അദ്ദേഹം,
തീർച്ചയായും .
അദ്ദേഹത്തെ യേശുവിങ്കലേക്ക് ആകർഷിച്ചത് യേശു ചെയ്ത
അത്ഭുതങ്ങളാണ് (അടയാളങ്ങൾ). ഈ അടയാളങ്ങളുടെ പൊരുൾ അദ്ദേഹത്തിന് മനസിലായില്ലെങ്കിലും , അത് യേശുവിങ്കലേക്ക് അദ്ദേഹത്തെ ആകർഷിച്ചു. അദ്ദേഹത്തിൻ്റെ വാക്കുകൾനോക്കുക _ ” റബ്ബീ, നീ ദൈവത്തിന്റെ അടുക്കൽ നിന്നു ഉപദേഷ്ടാവായി വന്നിരിക്കുന്നു എന്നു ഞങ്ങൾ അറിയുന്നു; ദൈവം തന്നോടു കൂടെ ഇല്ലെങ്കിൽ നീ ചെയ്യുന്ന ഈ അടയാളങ്ങളെ ചെയ്‍വാൻ ആർക്കും കഴികയില്ല എന്നു പറഞ്ഞു “
( യോഹ 3:2 ). കാര്യം മനസിലായില്ലെങ്കിലും ഈ അത്ഭുതങ്ങൾ
ദൈവത്താലാണെന്ന് അദ്ദേഹം സമ്മതിച്ചല്ലോ. ഇന്ന് അത്ഭുത
ങ്ങളെയും കൃപാവരങ്ങളെയും പുഛിച്ച് തള്ളുന്നവർ ഉണ്ടു് .ഒന്നാം നൂറ്റാണ്ട് കഴിഞ്ഞപ്പോൾ ഇതെല്ലാം നിന്നുപോയെന്നാണ് ചിലർ
പറയുന്നത്. അവർക്ക് അതൊക്കെ കഴിഞ്ഞു പോയിക്കാണും .
എന്നാൽ ഇന്നും അത്ഭുതങ്ങൾ നടക്കുന്നുണ്ട് , ഇനിയും നടക്കും .
” വിശ്വസിക്കുന്നവരാൽ ഈ അടയാളങ്ങൾ നടക്കും: എന്റെ നാമത്തിൽ അവർ ഭൂതങ്ങളെ പുറത്താക്കും; പുതുഭാഷകളിൽ സംസാരിക്കും; സർപ്പങ്ങളെ പിടിച്ചെടുക്കും; മരണകരമായ യാതൊന്നു കുടിച്ചാലും അവർക്കു ഹാനിവരികയില്ല; രോഗികളുടെ മേൽ കൈവെച്ചാൽ അവർക്കു സൗഖ്യംവരും എന്നു പറഞ്ഞു ( മർക്കോസ് 16:17, 18 ). ഒന്നാം നൂറ്റാണ്ട് കഴിയുവോളം
ഇതൊക്കെ നടക്കുമെന്നല്ല കർത്താവ് പറഞ്ഞത് വിശ്വസിക്കുന്നവരാൽ എന്ന്
പറഞ്ഞിരിക്കുന്നത് രക്ഷിക്കപ്പെട്ടവരെക്കുറിച്ചാണ് .
യേശു ചെയ്ത അത്ഭുതങ്ങളെ അക്കാലത്ത് പലരും അംഗീകരി
ച്ചില്ലായിരുന്നു . “യെരൂശലേമിൽ നിന്നു വന്ന ശാസ്ത്രിമാരും: അവന്നു ബെയെത്സെബൂൽ ഉണ്ടു, ഭൂതങ്ങളുടെ തലവനെ കൊണ്ടു അവൻ ഭൂതങ്ങളെ പുറത്താക്കുന്നു എന്നു പറഞ്ഞു “
(മർക്കോസ് 3:22). ” എന്നാൽ ആകർഷിച്ചത് അത്ഭുതങ്ങൾ ……പരീശനായിരുന്ന നിക്കോദിമോസ്
വ്യത്യസ്തനായിരുന്നു . അദ്ദേഹത്തിൻ്റെ അംഗീകാരവും പ്രശംസയും
യേശുവിനെ തൃപ്തിപ്പെടുത്തി
യില്ല . കർത്താവ് അദ്ദേഹത്തോട്
തറപ്പിച്ച് പറഞ്ഞു – ” യേശു അവനോടു: ആമേൻ, ആമേൻ, ഞാൻ നിന്നോടു പറയുന്നു; പുതുതായി ജനിച്ചില്ല എങ്കിൽ ദൈവരാജ്യം കാണ്മാൻ ആർക്കും കഴികയില്ല എന്നു ഉത്തരം പറഞ്ഞു ” ( 3:3 ) .
അത്ഭുതമാണ് അദ്ദേഹത്തെ യേശുവിങ്കലേക്ക് നയിച്ചതെങ്കിലും ,
വീണ്ടും ജനനം കൂടാതെ ദൈവരാജ്യം കാണ്മാൻ കഴിയുകയില്ലായെന്ന് യേശു പറഞ്ഞു .
അത്ഭുതം കണ്ടതുകൊണ്ടോ അനുഭവിച്ചതുകൊണ്ടോ
ഒരാൾ രക്ഷിക്കപ്പെടുന്നില്ല . അതൊക്കെ ഒരു നിമിത്തം ആണ് . എന്നാൽ
വീണ്ടും ജനനത്തിനാണ് പ്രാധാന്യം .
ഇന്ന് രോഗശാന്തി ലഭിച്ച പലരെയും രക്ഷിക്കപ്പെടുന്നതിനു
മുൻപ് സ്നാനപ്പെടുത്തി സഭയിൽ ചേർക്കാറുണ്ട് . സഭാംഗങ്ങളുടെ മക്കളായതു കൊണ്ടു് മറ്റു ചിലരെ മുക്കുന്നു. ജഡത്തെ വെള്ളത്തിൽ മുക്കിയാലും ജഡം തന്നെയാണ് . ഇതാണ് ഇന്ന് പല സഭകളിലെയും പ്രശ്നങ്ങൾക്ക് കാരണവും .
സ്നാനപ്പെട്ട നല്ല ശതമാനം ആളുകളും
വീണ്ടും ജനനം എന്ന് കേട്ടിട്ടുപോലും ഇല്ല. യേശുവിങ്കലേക്ക് വരുവാൻ കാരണം എന്തുമാകട്ടെ , വീണ്ടും
ജനിക്കാതെ ദൈവരാജ്യത്തിൽ പ്രവേശിക്കയില്ല .
രോഗശാന്തി കിട്ടിയിട്ട് നരകത്തിൽ പോകുന്നതിനെക്കാൾ നല്ലത് രോഗിയായി മരിച്ച് സ്വർഗത്തിൽ പോകുന്നതാണ് . ലാസറിനെയും ധനവാനെയും ഓർക്കുന്നല്ലോ ? രോഗശാന്തിയും ഭൂത ശാന്തിയും എല്ലാം മാനസാന്തരത്തിലേക്കം വീണ്ടുംജനനത്തിങ്കലേക്കും നയിക്കട്ടെ . അതല്ലേ ഏറ്റവും വലിയ വിടുതൽ ?
